Naturopplevingar

 

 

 

Ulvik er for alle, store og små, gjennom heile året. Ta deg ein gåtur langs vegen i den kalde og fine tida, eller følg nokre av dei mange merka turstiane opp mot fjellet for ei unik utsikt over bygda. Skianlegget på Drevtjørn er og ein unik stad å vera om vinteren. Om sommaren kan du utforska det våte element på vannski, ta ein avkjølande dukkert ved dei fleirtallige badeområda, leige båt eller kajakk, eller ta del i daglege fjordcruise mellom stupbratte fjell.

Olav H. Hauge-senteret

hauge-senteretOlav H. Hauge-senteret – store opplevingar på små flater

Hauge-senteret ligg vakkert til ved Ulvikafjorden. Her blir du kjent med Olav H. Hauge sitt liv og verk, og du kan oppdage poesi og lyrikk i mange formar på nye og spennande måtar. Senteret inneheld utstilling, lyrikkbibliotek, poesiverkstad, museumsbutikk og kafé.

Olav H. Hauge (1908 – 1994) er ein av våre fremste lyrikarar og gjendiktarar. Han livnærte seg som fruktdyrkar og debuterte som forfattar i 1946. Frå heimen på Rossvoll i Ulvik skaffa han seg eit vidt utsyn og store kunnskapar gjennom lesnad av verdslitteratur. Han gav ut fleire samlingar med gjendiktingar av engelsk, fransk og tysk lyrikk. Hans eigne dikt har nådd langt ut i verda og er gjendikta på meir enn 20 språk.

 

Hauge-senteret for heile familien

Kattejakta tek dei minste med rundt i utstillinga der dei blir kjent med diktaren og kjetlingen hans. I museumsbutikken finn du eit breitt utval av bøker om og av Hauge, diktbøker og nynorsk litteratur for born og vaksne. Butikken har òg eit variert gåveutval, blant anna, Hauge-glas frå Syse glas, magnetpoesi og puter med Hauge-sitat.

 

Nynorsk kultursentrum som driv Hauge-senteret og Ivar Aasen-tunet i Ørsta blei kåra til Årets museum 2015.

 

Omvising etter avtale. Utstillinga er òg teksta på engelsk.
www.haugesenteret.no

Ta kontakt for gruppetinging og anna informasjon:

[email protected]

Tel. 56 52 70 70

 

Januar – april:

Tysdag – fredag        10:00–16:00

 

Mai – september:

Tysdag – fredag        10:00–16:00

Laurdag – sundag      11:00–17:00

 

Oktober – desember:

Tysdag – fredag        10:00–16:00

Søndag                       12:00–16:00

Populære turstiar 2019

turstiar2015Tunheim (Liavegen og Jonstøl): Tunheim er eit godt startpunkt for to ulike merka stiar i terrenget. Den grøne stien vil ta deg langs Liavegen og er ein ca timelang lett rundtur som gjev god utsikt over Ulvik og delar av Osafjorden. Start på Tunheim og føl skiltinga mot Liavegen. Velg den øvre vegen om du vil ha høgare utsiktspunkt og meir stigning, eller velg den nedre vegen om du ønskjer litt lettare terreng. Returner til Tunheim eller ta av ned mot Øydve gard og returner til sentrum via hovudvegen. Den andre ruta er ein blå tursti opp mot Jonstøl, eit stølsområde høgare opp i fjellet. Ruta tek ca to timar opp og gjev god utsikt over bygda på veg opp og har eit romsleg stølsområde på enden av ruta.

Åsen rundt: Åsen rundt er ein ca. to timar lang rundtur i grusterreng, og høver seg godt for sykling og barnevogn. Ruta er grøn og har lite stigning, men byr på gode utsiktspunkt over Osafjorden og Ulvik. Tar du turen med sykkel, vert det anbefalt at du startar ved Håheim. Om du går eller køyrer, kan du starte ved Holmen og følge skiltinga der.

Kvasshovden: Ein raud tursti av den meir krevjande sorten tek deg frå Ulvik sentrum til fjellet Kvasshovden på 1030 høgdemeter. Stien er brukt til det årlege motbakkeløpet “Kvasshovden Opp” i juli og går føre seg i merka skogsterreng. Stien tek omlag tre timar opp og to timar ned. Det er panoramautsikt over bygda frå fjelltoppen.

 

For fleire flotte turar i Ulvik og omegn, sjå https://en.hardangerfjord.com/hardangerfjord-hiking-highlights 

Kontaktinformasjon for Ulvik turistkontor

Adresse: Tyssevikvegen 9–11, 5730 Ulvik
Telefon: 565 26 280
E-post: [email protected]

Februar 2020

Måndag – Torsdag: Stengt
Fredag: 11.00–17.00

Laurdag: 11.00–15.00
Sundag: Stengt

Copyright © 2020 Visit Ulvik. Alle rettigheter reservert.